استشاري تغذية علاجية : «السكريات زي المخدرات »
حذر الدكتور خالد غزالي، استشاري التغذية العلاجية، من خطورة النشويات و السكريات على صحة الإنسان، قائلًا: « السكريات والنشويات أكثر ضرراً على الإنسان من الدهون، معقباً: « فيه دكتور كبير معروف على مستوى العالم قال لي : « أنا لو بإيدي الأمر، همنع السكر خالص من العالم كله وهشنق اللي هياكله وأنا بأيده ».
وأوضح «غزالي ، خلال لقاء تلفزيوني ببرنامج «سفرة وطبلية» والمذاع على فضائية «صدى البلد»،: «السكريات زيها زي المخدرات بالنسبة لمريض السمنة ، مردفًا: « بيفتحوا التلاجة وياكلوا أي حاجة مسكرة وبعديها تلاقيهم مش في الدنيا».
وشدد غزالي على عدم تناول السكريات والنشويات ،معقبا: «العصائر المكتوب عليها «بيور» تحتوي على سكر، معقباً: «مفيش حاجة اسمها بيور وبدون سكر كله كذب في كذب، كل العصائر لازم بيبقى فيها سكر».
وتابع: « الشبع عن طريق أكل السكريات شبع كاذب ، لأن السكر سريع الهضم مما يجعل الشعور بالشبع مؤقت، مستكملًا: « لازم نقلل كمية السعرات اللي داخلة الجسم عن طريق تقليل السكريات».
