حادث المنوفية.. وزير النقل يرد على انتقادات الإعلاميين: أنا سعيد بالهجوم

رد الفريق كامل الوزير، نائب رئيس الوزراء للتنمية الصناعية، ووزير النقل والصناعة، على الهجوم الذي شنه بعض الإعلاميين عليه، بعد حادث المنوفية الذي أودى بحياة 19 شخصًا وإصابة 3 آخرين.

وقال خلال تصريحات لفضائية «TEN»، اليوم الأحد: «اللي يهاجم يهاجم أنا سعيد بالهجوم، مفيش مشكلة خالص، حتى يدينا فرصة نرد ونفهم أهالينا».

وأشار إلى أنه نسق مع وزير الداخلية بشأن تخصيص لجان لأخذ عينات عشوائية من كل مرتادي الطريق في كل البوابات والكمائن، للتأكد من عدم تعاطيهم للمخدرات، لافتًا إلى أن الفحص سيطبق في البداية على سائقي الميكروباص والشاحنات.

وأوضح أن الرئيس عبدالفتاح السيسي، وجه بوضع خطة زمنية واضحة لإنهاء تطوير الطريق الدائري الإقليمي بالكامل، مضيفًا: «الناس بتقول أنتم بتصرفوا مليار جنيه على الطريق، لا الطريق عشان رفع كفاءته وتطويره، مش هيتكلف أقل من 50 مليار جنيه».

وأكمل: «الرئيس وجه إننا لازم نعمل خطة زمنية ومضغوطة جدًا، وبالنسبة للي بيقول يعني أنتم معندكوش فلوس؟ لا عندنا فلوس، محدش طلب منكم فلوس ولا حد قالكم والله إحنا غلابة مش لاقيين فلوس.. الفلوس دي جاية من الكارتات اللي بتحصّل على الطريق وهتتصرف عليه، وييجي أي إعلامي من اللي بيهاجمونا يجيب استشاري من عنده».