مجدي عبد الغني يفتح النار على مدرب الأهلي: ”ده شغل كفتة!”

وجّه مجدي عبد الغني، نجم الأهلي السابق، انتقادات لاذعة إلى المدرب الإسباني خوسيه ريبيرو المدير الفني للمارد الأحمر، بسبب قراره المثير للجدل باستبدال أحمد سيد زيزو خلال مباراة الفريق أمام إنتر ميامي الأمريكي، في افتتاح مشواره ببطولة كأس العالم للأندية 2025.

وشارك زيزو بديلًا في الشوط الأول بعد إصابة إمام عاشور، لكن الجهاز الفني قرر استبداله قبل ربع ساعة من نهاية اللقاء، في قرار برره ريبيرو بتوصية من محلل الأداء، نظرًا لغياب اللاعب عن المباريات لفترة طويلة قبل انضمامه للأهلي.

وقال عبد الغني، في تصريحاته عبر برنامج "يا مساء الأنوار" على قناة MBC مصر 2:

"ده شغل كفتة.. ماينفعش لاعب ينزل ويتغير عشان مدرب الأحمال قال كده! لو زيزو مش جاهز ليه نزلته أصلاً؟! ده قرار غريب وغير احترافي".

وأضاف:

"زيزو لاعب كبير وصفقة ممتازة، ولازم يكون أساسي، بن شرقي يلعب على الطرف الآخر، وتريزيجيه ممكن يكون صانع ألعاب أو مهاجم تاني. الأهلي مش محتاج 6 لاعبين في مركز الجناح!".

كما أبدى عبد الغني تحفظه على دور المدير الرياضي في الفريق، قائلًا:"مش فاهم يعني إيه مدير رياضي؟ الأهلي محتاج مدير كرة صاحب شخصية يمسك غرفة الملابس، خصوصًا في ظل تفاوت العقود وتوزيع الفلوس".

وتطرق عبد الغني إلى أزمة عقود اللاعبين:"عارف إن زيزو عقده في اتحاد الكرة بـ5 ملايين جنيه فقط، بس مش عارف ليه؟ يمكن لتقليل الضرائب والرسوم".

وكان الأهلي قد ودّع مونديال الأندية من دور المجموعات، بعدما تعادل أمام إنتر ميامي وبورتو، وخسر أمام بالميراس، ليحتل المركز الرابع والأخير في مجموعته برصيد نقطتين.