مي الشحات: بـ50 جنيه بس تعمل مشروع حقيقي من بيتك وتحققي دخل

أكدت الدكتورة مي أحمد الشحات، مدرس الاقتصاد المنزلي بجامعة حلوان، أن بدء مشروع من داخل البيت لا يتطلب رأس مال كبير، بل يمكن بأي مبلغ بسيط — حتى 50 جنيه — أن تبدأ ربة المنزل مشروعًا صغيرًا يساعدها على تحقيق دخل وتحويل أسرتها من مستهلكة إلى منتجة.

وقالت مدرس الاقتصاد المنزلي بجامعة حلوان، خلال حوار مع الإعلامية زينب سعد الدين، ببرنامج "البيت"، المذاع على قناة الناس، اليوم الأربعاء: "في ستات كتير نفسها تبدأ مشروع، لكن بتقول معنديش فلوس، مفيش رأس مال... طيب تعالوا نشوف نبدأ إزاي بأقل تكاليف عندنا أفكار زي الجبس أو الكونكريت، اللي هو الجبس مع الأسمنت الأبيض، بيتصب في قوالب سيليكون وبيطلع منه أشكال جميلة جدًا تتباع كوحدات ديكور، فازات، أطقم حمام، أو علب سكر وشاي".

وأضافت: "قالب السيليكون هو أغلى حاجة، بس بيتعاد استخدامه كتير، وده معناه إنه استثمار طويل المدى، الباقي؟ كيلو جبس وكيلو أسمنت، شوية ميه، شوية ألوان بسيطة من عند الموان، وخلاص! هتبدأي تنتجي وتبيعي وتكسبي".

وأوضحت: "أيضًا فكرة عجينة السيراميك كبديل إبداعي وغير مكلف، ممكن تعملي بيها أشكال ديكور، دبابيس، براويز، ألعاب أطفال... وكلها من حاجات متوفرة: نشا وغرا بس! يعني ممكن تبدأي مشروع كامل بمكونات من مطبخك".

https://www.youtube.com/watch?v=DjbnX543SsU