أدهم الشرقاوي: مصر منحتني حب وأمان

وجه الفنان أدهم الشرقاوي رسالة شكر لجمهوره ومتابعيه عبر حسابه على موقع التواصل الاجتماعي إنستجرام.

كتب أدهم الشرقاوي: "شكراً لكل الناس اللي تواصلوا معايا والردود الرهيبة، شكراً للصحافة، وللناس، ولكل اللي أونلاين. هابقى أبطل أكون حساس وغريب بعد البوست ده، وأنا مختفي، جاتلي رسايل كتير بتقول إني مش بشتغل في مصر عشان بفضل أشتغل في أمريكا".

وأضاف: "مصر منحتني كتير أوي. بابا كان دايمًا يقولي إن مصر مفيش زيها مكان، وهو وماما كانوا يشجعوني إني أهتم بالثقافة، لكن كنت صغير وغبي. اشتغلت في مصر مع أحسن ممثلين ومخرجين، والناس رحبوا بيا بجد. بعد "لعبة نيوتن" حسيت إني مرغوب فيه ومقبول، كأني ما سبتش مصر أبداً".

وختم رسالته قائلاً: "الناس المصريين سمحولي أشتغل على مشاريع كتير وبنيت نفسي. رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايماً أستاهل، إنتوا دايماً دعمتوني وقبلتوني. شكراً يا مصر".

كان أدهم الشرقاوي قد كشف عن أسباب غيابه الفترة الأخيرة بعد مشاركته في فيلم "شماريخ" الذي عُرض عام 2023.

وقال: "كان ليا فترة طويلة ما نزّلت بوستات، بس كنت محتاج أخد بريك. من سنتين كنت تعبان جدًا، كان وزني قريب من 110 كيلو (250 رطل)، وما كنتش قادر أتنفس كويس. كنت أعاني من ضباب في الدماغ، آلام في المفاصل، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى".