مصطفى بكري: «أنا أمي عمرها ما لبست مايوه والترع مفيهاش مايوهات» - فيديو

شن الإعلامي مصطفى بكري، هجومًا ناريًا على من وصفهم بإعلاميين المايوه، قائلًا: «الإعلاميين اللي طالعين يقولوا السيدات خلال فترة السبعينيات كانوا يرتدين المايوه، أنتوا عايزين تعملوا فتنة في البلد»، في إشارة منه للإعلامي إبراهيم عيسى.

واستعرض بكري، برنامجه حقائق وأسرار، صورة تجمعه بوالدته على الهواء وعقب منفعلًا: «أنا أمي من ساعة لما جيت في الدنيا لحد ما ماتت بتلبس الأسود، ويوم فرحي قوتلها يا أمي البسي حاجة غير الأسود رفضت، اللي قدمكم دي تنفع تلبس مايوه».

وتابع: «إزاي تتهمني أو تتهم أي حد إن أمه كانت بتلبس مايوه في السبعينيات، الترع مفيهاش مايوهات، إحنا غلابة مش بتوع مايوه»، مطالبًا المجلس الأعلى للإعلام بمحاسبة هؤلاء الإعلاميين الذين يطلقون مثل هذه التصريحات.