زي بتاعت المحلات.. طريقة عمل البسبوسة في المنزل

نقدم لكم طريقة تحضير البسبوسة الرائعة في المنزل خطوة بخطوة

المكونات:-

- 2 كوب سميد بسبوسة خشن

- كوب سكر.

- كوب زبادي.

- ½ كوب سمن بلدي أو زبدة سايحة.

- ½ كوب جوز هند مبشور اختياري

- ملعقة صغيرة بيكنج بودر.

- رشة فانيليا.

- مكسرات للتزيين لوز أو فستق أو بندق

للشربات

- 2 كوب سكر.

- 1½ كوب ماء.

- عصير نصف ليمونة.

- ½ ملعقة صغيرة فانيليا أو ماء ورد اختياري

طريقة التحضير:-

في وعاء على النار ضيفي السكر، والماء، سيبيهم يغلو 10 دقائق.

ضعي عصير الليمون في الآخر وسيبيه يغلي دقيقة كمان.

اطفِ النار وضعي الفانيليا أو ماء الورد.

خلي الشربات دافئ وقت ما تخرجي البسبوسة من الفرن

في بولة كبيرة اخلطي السميد، السكر، جوز الهند، البيكنج بودر.

ضعي السمنة السايحة وقلبي لحد ما السميد يتغلف كله.

ضعي الزبادي والفانيليا، وقلبي بالملعقة لحد ما يتجانس الخليط من غير عجن كتير

ادّهي صينية بالسمنة وافردي فيها الخليط.

سوي الوجه بظهر الملعقة، وزيّني بالمكسرات.

دخليها فرن ساخن على درجة حرارة 180° حوالي 30–35دقيقة لحد ما تاخد لون دهبي حلو.

أول ما تخرج البسبوسة سخنة، اسقيها بالشربات الدافئ.