أيمن يونس: أسرار الأندية ليست للعرض.. والظهور الإعلامي له حدود
وجّه أيمن يونس، نجم نادي الزمالك ومنتخب مصر السابق، رسالة قوية إلى لاعبي كرة القدم المعتزلين الذين يظهرون في وسائل الإعلام ويكشفون كواليس وأسرار ما حدث في غرف الملابس أو داخل الأندية بعد الاعتزال، محذرًا من التهاون في احترام "حرمة المكان" الذي كانوا جزءًا منه.
وقال يونس في تصريحات تلفزيونية:"في لاعيبة بتطلع تتكلم كتير بعد الاعتزال، وكل واحد حر يتكلم ويكشف اللي عنده، لكن في فرق بين الكلام اللي يحافظ على قيمة النادي، وبين اللي يسيء له. في أسرار تتقال وأسرار لا يجوز تتقال لأنها بتمس اسم النادي وتاريخه".
وأضاف:"أنا كأيمن يونس عندي أسرار كتير من وقتي في الزمالك، وعندي أسرار في اتحاد الكرة، بس عمري ما طلعت اتكلمت عن حاجة تقلل من قيمة المكان اللي كنت فيه، لأن دي حرمة المكان واحترامه، خصوصًا لو الأخطاء كانت كبيرة أو فيها سلبيات".
وشدد نجم الزمالك السابق على أهمية أن يحترم المعتزلون تاريخ زملائهم وأنديتهم، وقال:"مش معنى إنك عايز تظهر أو تطلع تريند إنك تكشف كل حاجة حصلت، في حاجات ممكن تتقال وفي حاجات تتقال بشكل محترم، لكن متزايدش بيها، ومتحققش منها مكسب على حساب اسم ناديك أو زمايلك، لأن ده جزء من احترامك ليهم ولتاريخك".
ووجه يونس رسالة مباشرة لنجوم الكرة المعتزلين قائلاً:"لو في أخطاء مش بقول تخبوها، لكن بلاش تزايدوا بيها أو تتمنظروا على حساب النادي، دي حاجات مهمة لازم كل نجم معتزل يخلي باله منها".
