نجم الزمالك يكشف الفارق بين محمد صلاح ولاعبي الدوري المصري

انتقد أيمن يونس، نجم الزمالك السابق، بعض سلوكيات لاعبي الدوري المصري، مؤكداً أن مستوى الاحترافية لديهم لا يقارن بما يقدمه المحترفون المصريون في الخارج مثل محمد صلاح وعمر مرموش.

وقال يونس في تصريحات لبرنامج لعبة والتانية مع الإعلامي كريم رمزي عبر إذاعة “ميجا إف إم”: “اللاعيبة في مصر زي الصنايعية، بينما لاعيبة زي محمد صلاح ومرموش في عالم تاني خالص”.

وأضاف: “اللاعب المحترف زي صلاح ومرموش يعرف قيمة الأكسجين، ومن المستحيل يقعدوا جنب شخص بيدخن، لكن هنا في مصر اللاعيبة صنايعية ومش مصدقين إنهم وصلوا للي هما فيه”.

وتابع: “اللاعب مش مجرد شخص بيلعب كرة، هو نموذج وسفير للعبة، ولازم يكون مدرك ده كويس”.

وعلّق يونس على تصريحات شيكابالا الأخيرة بشأن وجود لاعبين يدخنون “الشيشة” قبل نهائي صن داونز قائلاً: “من العيب إن شيكابالا يقول الكلام ده، دي أسرار أوضة اللبس وماينفعش تتقال في الإعلام. الكلام ده مش يتحاسب عليه شيكابالا لكن مجلس إدارة الزمالك هو المسؤول. مش من حقه يتكلم في حاجات زي دي.. البيوت ليها حرمتها ودي أسرار”.

واختتم: “أنا بأعذر شيكابالا لأنه ظهوره الإعلامي الأول، لكن بعيب عليه إنه يتكلم في موضوعات بالشكل ده”.