الإسراء والمعراج.. عمرو أديب: «لو كلامي مش عاجبك بلاش تتابعني»
قال الإعلامي عمرو أديب: «أنا راجل مؤمن جدًا بالإسراء والمعراج، وهناك سورة في القرآن عن الإسراء، والمعراج أيضًا مذكورة في القرآن الكريم».
وأكمل أديب خلال تقديم برنامجه «الحكاية»، عبر فضائية «إم بي سي مصر»: «بلاش نغمات السوشيال ميديا دي، لو أنت مش مقتنع برأيي متاخدش بيه، وأنت مش مجبر تحترم رأيي».
وتابع أديب: «أنا كإعلامي مش هطلع أقول كل حاجة تعجبك، ووارد أنك تختلف معي، اختلف يا سيدي لكن سيبني أقول رأيي، ومش تطلع تقول عليا كافر».
وواصل أديب: «ممكن تطلع ترد على الرأي اللي مش عاجبك، لكن مش تطلع تطالب بمحاكمة صاحب الرأي، وبرة مصر كل إعلامي له متابعين، أنت يا عم شوف الإعلامي اللي يعجبك واللي مش عاجبك بلاش لو بيضايقك، أنا مش بتكلم على شخص معين، أنا بتكلم بشكل عام».
