سيد عبد الحفيظ: ”الأهلي مش فاهم حاجة”.. الفريق يمر بإحدى أسوأ بداياته في الدوري

وجّه الكابتن سيد عبد الحفيظ، مدير الكرة السابق بالنادي الأهلي، انتقادات لاذعة للأداء الحالي للفريق الأول لكرة القدم، مؤكدًا أن الأهلي يعيش واحدة من أسوأ بداياته في تاريخ الدوري المصري، مشيرًا إلى أن الأزمة لم تعد مجرد خسارة، بل غياب كامل للفهم الفني والتنظيمي داخل الملعب.

وقال عبد الحفيظ، خلال ظهوره في برنامج "جمهور التالتة" مع الإعلامي إبراهيم فايق:

المصيبة مش إنك تخسر، الخسارة جزء من كرة القدم. لكن المصيبة إنك تخسر وأنت مش فاهم حاجة خالص! لا فاهم ضغط، ولا تغييرات، ولا عندك روح، ولا فيه رد فعل، ولا شخصية.. مش فاهم حاجة تمامًا".

وأضاف: "القدرات والإمكانيات موجودة، ودي أهم حاجة في أي منظومة ناجحة. لكن وأنت بتختار أحسن لاعيبة، لازم تختار كمان أحسن مدرب، وأحسن طبيب، وأحسن أخصائي تأهيل، وأحسن عامل.. الموضوع مش هيمشي لوحده، لازم الجودة تكون في كل تفصيلة".

وأكّد عبد الحفيظ أن النادي الأهلي لا يليق به المستوى الحالي، وأن ما يحدث لا يعكس حجم وقيمة الكيان، قائلاً:

"ده الأهلي! لازم يكون عندك أفضل حاجة في كل مكان، مش بس في اللاعبين. المنظومة كلها لازم تكون على أعلى مستوى، لأن الأهلي يستحق الأفضل في كل شيء".