عمر متولي يكشف سر تحول عادل إمام لتشجيع النادي الأهلي
كشف الفنان عمر متولي عن قصة تحول النجم الكبير عادل إمام من تشجيع النادي الزمالك إلى تشجيع النادي الأهلي، وذلك خلال لقائه ببرنامج "في الاستاد" مع الإعلامي محمد عبد الوهاب عبر إذاعة وقناة "نجوم إف إم".
قصة التحول روى متولي: "عادل إمام حبيبي كان زملكاوي زمان 'بالعند' وهو ملوش في الكرة، ومع الوقت بقى ليه في الكرة ولقى ابنه 'رامي' بيقول 'أهلي أهلي' وهو طفل وهو مش بيعلمه يقول كده. تابع شوية وحب الأهلي جدا وبقى أهلاوي، وبعدين بطل يقول هو أهلاوي ولا زملكاوي عشان محدش يزعل".
السبب وراء حب الأهلي أرجع متولي تشجيعه للنادي الأهلي إلى تأثير والده الفنان الراحل مصطفى متولي، قائلاً: "أبويا الله يرحمه كان كروي أوي وهو السبب في تشجيعي للكرة. كنت أصحى ألاقيه قاعد يتفرج على الماتش بتاع الأهلي وجنبه التليفون الأرضي".
ذكريات مع والديه وعم صلاح السعدني استعاد متولي ذكريات طريفة عن والده أثناء مشاهدة المباريات: "كل همسة في الملعب تحصل، كل تعليق يجي ليه عايز يقوله، يرفع التليفون ويتكلم يقول 'الواد دا شفت شاط الكرة' ويقفل من غير ألو أو سلام. يطلع بيكلم مين؟ عم صلاح السعدني الله يرحمه".
وأضاف: "الاتنين بيتفرجوا على الماتش كده 90 دقيقة، شوية وتليفون أبويا يرن يرد يقول 'أه أه' ويقفل أتاري. التاني بيقوله 'الواد دا مينفعش لازم يخرج' مش بيقولوا ألو. بدل ما الكلام يقوله للي حواليه، بيكلم صلاح السعدني يقوله".
