إبراهيم سعيد: في مدربين بياخدوا فلوس من اللاعيبة عشان يشاركوا

فجر نجم منتخب مصر السابق إبراهيم سعيد مفاجأة من العيار الثقيل، بعدما كشف عن وجود مدربين يتقاضون أموالًا من بعض اللاعبين مقابل إشراكهم في المباريات داخل الأندية المصرية، مؤكدًا أن هذه الظاهرة أصبحت منتشرة في الكرة المصرية وتؤثر بشكل مباشر على مستوى المنتخبات الوطنية.

وقال إبراهيم سعيد خلال ظهوره في برنامج "أوضة اللبس" على قناة النهار:

"في مدربين بياخدوا فلوس من اللاعيبة عشان يشاركوا مع الأندية، وأمثال المدربين دول كتير جدًا في الدوري المصري".

وأضاف: "اللي بيحصل ده هو السبب الرئيسي في تراجع نتائج المنتخبات الوطنية، لأن مفيش تأسيس صح.. اللاعب اللي بيدفع هو اللي بيلعب على حساب اللاعب الموهوب فنيًا وصاحب المهارة الحقيقية".

وأكد إبراهيم سعيد أن هذه الممارسات تضرب منظومة كرة القدم المصرية في العمق، موضحًا أن غياب العدالة والشفافية في اختيار اللاعبين يؤدي لتراجع مستوى الكرة المصرية بشكل عام.

واختتم نجم المنتخب السابق تصريحاته قائلاً: "لازم يكون في رقابة حقيقية على المدربين والقطاع الفني في الأندية، لأن مستقبل الكرة المصرية بيتحدد من المراحل دي، ولو استمر الوضع بالشكل ده مش هنشوف منتخبات قوية تاني".