عمرو أديب عن أزمة أوكرانيا: «لو ارتفع سعر الزيت بالبرازيل الطعمية ثمنها هايزيد في مصر»
قال الإعلامي عمرو أديب إن العالم كله سيتأثر اقتصاديا بالحرب الروسية على أوكرانيا، منتقدا تعامل الرئيس الأمريكي جو بايدن مع الأزمة، وتخلي الغرب عن أوكرانيا بشكل كامل.
وذكر أديب، خلال تقديم برنامجه «الحكاية»، عبر فضائية «إم بي سي مصر»، الجمعة: «أوكرانيا تحولت فجأة للاجئين، تخيل فجأة كده تكون قاعد في بيتك ويقولولك يلا عشان هاتروح تقعد في المترو وتاكل وتشرب هناك، لأن في حرب وممكن تموت».
وانتقد أديب تعامل الرئيس الأمريكي بايدن مع الأزمة، قائلا: «إزاي تكون رئيس أكبر دولة في العالم، وطالع تتكلم عن أكبر أزمة في العالم فتقول لن أسمح أن يتألم المواطن الأمريكي في محطات البنزين».
كما استنكر تخلي الغرب عن أوكرانيا في أزمتها قائلا: «لقينا فترة عمالين نسمع تهديدات إن لو روسيا قربت من أوكرانيا هانعمل وهانعمل ونسوي، ونفرض عقوبات، ودلوقتي مش شايفين أي حاجة من ده».
وبشأن تأثير الحرب في أوكرانيا على العالم، قال مقدم «الحكاية»: «كل العالم بيتأثر اقتصاديا، وقولنا قبل كده الزيت لو سعر ارتفع في البرازيل، الطعمية هايرتفع سعرها في مصر، ده غير إن معظم السياح في مصر من أوكرانيا وروسيا، يعني كده كده هايكون في تأثير على مصر».
