أمير عبد الحميد: استمرار عماد النحاس كان الأنسب.. ولاعبي الأهلي «أوضتهم زي الفل»

أكد أمير عبد الحميد، مدرب حراس مرمى الأهلي السابق، أن استمرار عماد النحاس على رأس القيادة الفنية للأهلي كان الخيار الأفضل، مشددًا على احترامه الكامل لوجهة نظر الإدارة في قرارها الأخير.

وقال عبد الحميد في تصريحات عبر برنامج “الكلاسيكو” مع الإعلامية سهام صالح على قناة ON: "فكرة التغيير مش دايمًا مفيدة.. الاستقرار أهم حاجة، لكن طالما الإدارة شايفة إن فيه مدرب جديد لازم نحترم ده".

وأضاف: "مفيش لاعب في الأهلي بيتكلم في موضوع العقود، وأوضة اللبس كانت زي الفل، واللاعيبة علاقتها ببعض ممتازة وعايزين يقدموا أحسن حاجة".

وتابع: "اتفاجئت بمكالمة محمد يوسف عشان أتولى منصب مدرب حراس المرمى، وسعدت جدًا بيها، خصوصًا إن الموضوع ماكنش في حساباتي في الوقت الحالي".

واختتم: "لما جيت الأهلي كان فيه ظروف صعبة، واشتغلنا على حاجات كتير وتعدل الوضع وتحسنت النتائج".