السيسي لمنتقدي حقوق الإنسان: «الناس في مصر مظلومة ومبتتعالجش كويس عشان مش معايا فلوس»
أكد الرئيس عبد الفتاح السيسي، أن من ينتقدوا ملف حقوق الإنسان في مصر لا يعرفون طبيعة الأحوال، وما تمر به الأسر المصرية.
وقال السيسي، في كلمته خلال فعالية المشروع القومي لتنمية الأسرة المصرية: "أنا مش بستهدف فقط أني أتكلم، أنا بتكلم دائما أن رسالتنا توصل لكل الناس، أنا مواطن زي كل المواطنين وعشت عمري كله في مصر، وكنت بشوف وأقول ليه إحنا كده، ليه مستشفياتنا بالمستوى ده".
وتابع الرئيس السيسي موجهًا حديثه للمصريين: "انتوا قولتولنا خلوا بالكوا من مصر وحافظوا عليها وطلعوها قدام".
وأكمل السيسي: "الحكاية حكايتنا كلنا، كنت بتكلم في دي حقوق الإنسان وأن ده أول معيار، إحنا معندناش حاجة مخبينها، إحنا عندنا حاجة مش معروفة غير لينا، واللي بيتكلموا، فالناس في مصر مظلومة ومبتتعالجش كويس ومبتاكلش كويس، عشان مش معايا فلوس زيكوا، عدد السكان كبير، أنا محتاج 5 تريليونات عشان أغطي احتياجات الشعب".
