وفاة ابنة الفنان أحمد عبدالحميد
أعلن الفنان أحمد عبد الحميد عبر حسابه الرسمي على موقع فيسبوك وفاة ابنته ملاك، بعد أيام قليلة من رحيل والده، الماكيير المعروف محمد عبد الحميد.
ونشر أحمد عبد الحميد رسالة مؤثرة عبر صفحته، قال فيها: «أنا مش عارف ربنا بيحبني ولا مش بيحبني عشان ياخد مني أبوي وبنتي في أسبوعين.. الله جاب الله خد الله عليه العوض.. لا نقول إلا ما يرضى الله.. إنا لله وإنا إليه راجعون.. بنتي ملاك عند ربنا وجنب أبوي.. أنا مش هقدر حد يكلمّني ولا يعزّيّني.. وأنا شوية هبقى كويس إن شاء الله».
كما نعى أحمد والده الراحل بنشر صورة تجمعه به، معلقًا: *«الصورة دي من آخر عيد ميلاد ليك.. وكنت حاسس في قلبي إنها آخر مرة أفرحك فيها، ولم نكن نعلم أن فرحك جاى وأن ربنا هيرزقك البداية الأبدية في جنته إن شاء الله. كنت آخر سنين تقوللي أنا اتنسيت خلاص يا أحمد، ولما أقولك فلان بيقول لي سلملي على “الأستاذ” تقول ياااه فيه الخير. الحمد لله إنه لسه فاكرني… حب الناس ليك بعد ما مشيت يوضح قد إيه كنت عظيم وستظل تاريخك وسيرتك حلوة».
وتابع الفنان: «أنا عارف إن كل ده ولا يشغلك دلوقتي، أنت منعم في جنة الرحمن مع أحبابك، وهو ده عزائي الوحيد. ربنا يرحمك يا أطيب قلب وأحسن أب، ويجعلني خير خلف لك وأفضل محافظ على اسمك وسيرتك وأخلاقك التي تركتها في قلوب الناس… أشوفك على خير يا حمادة».
وتأتي هذه الخسارة الأليمة بعد أيام قليلة من وفاة والده، ما جعل رسالة الفنان تتسم بالحزن العميق والعزاء الروحي له ولأسرته.
