عمرو أديب: «المسئولون بيقولوا هنسيطر على الأسواق من 100 سنة»

علق الإعلامي عمرو أديب على ارتفاع أسعار السلع قائلا: «في أمريكا بدأوا يتحركوا ويشوفوا حلولا وخلصوا موضوع الاستغراب اللي لسه عندنا ده».

وأكمل أديب، خلال تقديم برنامج «الحكاية»، عبر فضائية «إم بي سي مصر»: «ياريت المواطنون يغيروا المكان اللي بيشتروا منه، يعني النهارده بشتري من مكان معين، أشوف حد غيره وأشتري منه».

وتابع أديب: «في أزمة فعلا، ولازم نتصرف ونجد الحلول، ومش نعتمد على كلام المسئولين اللي بيطلعوا يقولوا «بنعمل وبنسوي وبنسعى للسيطرة لضبط الأسواق».. يا جماعة بنسمع الكلام ده من 100 سنة».

وواصل أديب: «منقدرش نقول مفيش زيادة أسعار، الناس امبارح انتقدوني وقالوا عمرو أديب بيقول بلاش تشتروا قمر الدين.. خلاص يا سيدي اشتروا قمر الدين عادي».

واختتم أديب: «البترول سعره ارتفع، ولسه هيغلى تاني، يا جماعة لازم نقف جنب بعض ونساعد بعض واحنا داخلين على شهر كريم».