ارتفاع أسعار السلع.. عمرو أديب للحكومة: «اضربوا الاحتكار»

قال الإعلامي عمرو أديب: «في أمريكا بدأوا يتحركوا ويشوفوا حلولا لموضوع ارتفاع أسعار السلع، وخلصوا موضوع الاستغراب اللي لسه عندنا ده، وعلى فكرة البترول سعره زاد ولسه هيزيد تاني».

وأكمل أديب، خلال تقديم برنامج «الحكاية»، عبر فضائية «إم بي سي مصر»: «الحل يتمثل فى إن لازم المواطنين يغيروا المكان اللي بيشتروا منه، يعني النهارده بشتري من مكان معين، أشوف حد غيره».

وواصل أديب: «في أزمة فعلا، ولازم نتصرف ونجد الحلول، ومش نعتمد على كلام المسئولين اللي بيطلعوا يقولوا «بنعمل وبنسوي وبنسعى لضبط الأسواق».. يا جماعة بنسمع الكلام ده من 100 سنة».

وأردف أديب منفعلا: «الحكومة تقدر تعمل حاجة واحدة بس.. اضربوا الاحتكار، وانتوا عارفين هتضربوه ازاي».

واختتم أديب: «منقدرش نقول مفيش زياذة أسعار، الناس امبارح انتقدوني وقالوا عمرو أديب بيقول بلاش تشتروا قمر الدين.. خلاص يا سيدي اشتروا قمر الدين عادي».