مرتضى منصور: «طارق حامد بيصلي استخارة عشان يجدد.. وأبو جبل عايز يطلع مع رامز» - فيديو
أكد مرتضى منصور، رئيس نادي الزمالك، أن النادي هو الذى أعطى الشهرة والفلوس والمجد لكل لاعبيه، معلقا: "مستناش لاعب شهر علشان يرضى يجدد.. الزمالك مبيقفش على حد".
وأضاف منصور، خلال مداخلة هاتفية، مع الإعلامي سيد علي، ببرنامج في «حضرة المواطن»، المذاع على فضائية «الحدث اليوم»، أن سيف الدين الجزيري لم يتواجد مع منتخب تونس إلا بعدما انتقل لنادي الزمالك على عكس ماحدث مع حمزة المثلوثي.
وتابع: "طارق حامد بيقولي هصلي استخارة وأرد عليك في التجديد.. الأخ أبو جبل كل يوم يكلمنا من 10 أيام علشان يطلع مع رامز جلال في برنامجه، وإحنا عندنا ماتشين مهمين، وكل اللي بيطلعوا مع رامز جلال في برنامج المقالب عارفين إنهم رايحين مقالب".
واستطرد معلقا: "برنامج رامز جلال وكل اللي بيحصل فيه أفلام".
وتابع: حمزة المثلوثي لاعب محترم ولم يشتك نادي الزمالك ومنتخب تونس أرسل لنا خطابا للحصول على اللاعب في فترة التوقف القادمة.

















