حسام داغر يكشف تطورات حالته الصحية
كشف الفنان حسام داغر على حسابه بموقع التواصل الاجتماعي «فيس بوك» تطورات حالته الصحية بعد انتقاله إلى المستشفى، وكتب معلقًا: «الحمد لله خرجت من المستشفى رجعت البيت بقيت احسن الحمد لله طلبوا مني متابعة الضغط واقيسه كذا يوم لتحديد السبب».
وتابع: «بشكر كل صحابي اللي جم المستشفى اطمنوا عليا عامر وحمزة العيلي ووحيد وإبراهيم نور وأمنية وأمير الحديدي وعبد الوهاب واختي سهي وريهام و كل اللي قلقتهم أخواتي محمد ونهي وأحمد ودكتور أحمد سمير وعلي وكل اللي اتصل بيا وردوا عليه و كل الي كتبولي واطمنوا عليا وادعولي دعواتكم هي اللي خلتني أحسن».
وأضاف: «أنا بس موضوع الضغط ده جديد عليا وشكلي كده دخلت نادي بتاعه علي راي سما ابراهيم صديقتي بشكرك و بشكر كل الي اطمنوا عليا وكتبولي لو أقدر هشكر واحد واحد بس دكتور طلب مني الراحة يومين و الابتعاد عن الموبيل والتوتر وتنظيم الأكل واشرب ميه كتير لأني فعلا كنت مهمل فيها جدًا.. خلوا بالكم من نفسكم ويا رب متشوفوش وحش ابداً فيكم أو في حبايبكم».
