لاعب الزمالك يرد على منتقديه بشأن إصاباته مع الفريق.. ماذا قال؟
حرص محمود جهاد، لاعب الفريق الأول لكرة القدم بنادي الزمالك، على توضيح عدة أمور تتعلق بالإصابات التي تعرض لها خلال الفترة الماضية، والرد على الانتقادات التي طالته بسبب تكرار غيابه عن المشاركة مع الفريق الأبيض.
ونشر محمود جهاد بيانًا عبر حسابه الرسمي على موقع التواصل الاجتماعي «إنستجرام»، أوضح خلاله موقفه من الإصابات، مؤكدًا أنها قضاء وقدر، وأنه يواصل العمل والاجتهاد رغم الصعوبات التي واجهها.
وقال لاعب الزمالك: «بسم الله الرحمن الرحيم، حابب أوضح حاجة للناس، وخاصة جمهور الزمالك الكبير.
أولًا، الإصابات دي نصيب من عند ربنا، وأنا دايمًا بشتغل مهما حصل، ومش زعلان ولا بتأثر، ومش لازم أطلع أقول أنا بعمل إيه، لأن ده الطبيعي وده شغلي.
اللي حصل النهارده طبيعي يحصل بعد فترة غياب سنة كاملة، وأنا تمام، مفيش إصابة زي الأول ولا حاجة، كلها حاجات طبيعية تحصل، والحمد لله هفضل مكمل وواثق في ربنا أكبر من أي حاجة، ومهما يحصل هفضل برضه».
وأضاف: «أنا مش بخاف على نفسي أو مكسل أدي للنادي الكبير اللي أنا أتشرف إني لابس التيشيرت بتاعه، بالعكس، ربنا وحده اللي عارف أنا بعمل إيه، ومش خايف خالص، بس حريص شوية لأن أول مرة تحصل لي إصابات كده».
وتحدث محمود جهاد عن دور الجهازين الفني والطبي في التعامل مع إصاباته، قائلًا: «الجهاز الفني والجهاز الطبي، الناس كلها ما حدش قصر معايا، والناس كلها بتساعدني بأقصى حاجة عندها».
وواصل لاعب الزمالك: «ثالثًا وأخيرًا، النقد الفني طبيعي وبيبقى مقبول وبيعلم الواحد، لكن التريقة والسخرية على حاجة بإيد ربنا دي تفاهة وجهل، لأن كل حاجة من عند ربنا».
واختتم محمود جهاد بيانه قائلًا: «شكرًا، أنا حبيت أوضح، لأني من أول ما لبست تيشيرت الزمالك عمري ما طلعت وضحت، لأني ما بحبش أتكلم في حاجة زي دي كتير».
