«نموذج جميل لكل ست مصرية».. الرئيس السيسي يستجيب لسيدة من ذوي الهمم (فيديو)

استجاب الرئيس عبدالفتاح السيسي لمطالب السيدة محروسة سالم، التي تتحدى الإعاقة وتعول أبناءها وزوجها المريض بقيادة «التروسكل».

وقال الرئيس السيسي، في مداخلة هاتفية لبرنامج «من مصر»، الذي يعرض عبر فضائية «سي بي سي»، مساء الأحد: «مش ممكن أبدا الست محروسة، أو أقول أختي أو أقول بنتي، تقول نفسها إني أكلمها، ده أنا اللي يشرفني إني أنا أكلمك يا بنتي»، لترد السيدة: «ربنا يخلي سعادتك يا سيادة الرئيس».

وتابع السيسي: «خليني أهنيكي وأقولك يا بنتي ربنا يجبر بخاطرك ويعينك ويوفقك ويطرح البركة في جهدك وتشوفي ده في أولادك، واسمحيلي إني أقف جنبك في كل اللي انت بتتمنيه كبنت ليا».

وواصل السيسي: «الست المصرية دايما مثال للعقل الراقي ونموذج محترم وأنا متشرف إني بكلمك دلوقتي ومتشرف بيكي وبجهدك.. أنا تحت أمرك».

وأكمل السيسي: «ربنا يخلي ولادك أحمد ونورهان وتفرحي بيهم، مهندسة وظابط قد الدنيا بأمر الله.. وأنا عاوز أقولك على حاجة: اوعل تحرمينا من دعواتك الطيبة وربنا يقبل منك ويباركلك».

واختتم السيسي: «أنا سعيد وبهنيكي وبقول لك انت نموذج جميل لكل ست مصرية بجهدك وعملك.. واسمحيلي أقول لك هنعمل كل شيء ليكي».