أبرز تصريحات هشام المليجي التي وضعته في صدارة «التريند»
احتل اسم الفنان هشام المليجي محركات البحث على جوجل، وذلك بعد تصريحاته التى قالها خلال الساعات الماضية، والتي أشار فيها إلى أنه ليس له علاقة بالفنان محمود المليجي وقد تسبب له ربط اسمه بالفنان الراحل فى الظلم، حيث قال: «أنا اتظلمت بسبب اسم المليجي لان ده مش اسمي أنا مليجي بس، والناس أما تقول المليجي بيفتكروني ابن الفنان محمود المليجي».
اقرأ أيضًا: عيد الأم 2022.. أشهر الأغاني التي كرمت الأمهات في عيدهن
وتابع خلال تصريحاته: «الدور بينادي صاحبه ومن بداية احترافي التمثيل وأنا متعود أن يكون هناك أوقات مبيبقاش فيها شغل وموهبتي الأساسية في الموسيقى قبل ما احترف التمثيل، وحذرت الفنانة رانيا شاهين كثيرًا من التدخل فى حياتى، وهي جدعة وبـ100 راجل لكن وصفها لحالتي بأنني مصاب باكتئاب قلشت منها لأن كلمة مكتئب خطيرة ولكني لا أشك في حسن نيتها فهي جارتي».
واستكمل: «حذرت رانيا شاهين قبل كدة من أنها تتكلم عن حياتي الشخصية لكن مسمعتش الكلام وكتبت على فيسبوك وعملت كدا معايا من 6 سنوات وقولتلها بلاش تتكلمي عني وعن حياتي الشخصية ومحدش اشتكالك».
اقرأ أيضًا: في عيد الأم 2022.. أشهر أمهات السينما والدراما المصرية
وأضاف: «أنا مش جرىء ومعنديش حاجة أخجل منها وعديت الـ50 سنة وتاريخ ميلادي اللي موجود على الانترنت مش حقيقي وأنا غير متزوج ولم أتزوج من قبل وبزعل لما البنات بتكتبلي على فيسبوك اني كنت الكراش بتاعهم زمان، وأنا لم أتزوج من قبل، والموضوع ده كبير، في 3 إجابات جاهزين ممكن أقولهم ونكمل البرنامج، لكن لو هنتكلم بجد فالموضوع كبير، ومكنتش فاضي والله، ولسه بكون نفسي».
وأشار الفنان هشام المليجي قائلا: «مفيش نصيب دي حاجة بتاعت ربنا، لأن في ناس أتجوزت وفي ناس متجوزتش، الموضوع عادي، الجواز ده في خطأ شائع أنه حب ولازم نكون حاجة معينة، ولكن هو اشتراك بين اتنين عايزين يعملوا أسرة، فلازم يكون الأفكار والأهداف متقاربة، الشكل مش مؤشر لحاجة وعشان الجواز مهم جدا لازم الواحد يأجله آخر حاجة في حياته ولو مفيش حزن وفشل مكنش هيكون فيه طعم في الفرح فلازم الواحد يمر بتجارب قاسية حتى يشعر بطعم النجاح».
