السيسي عن سفرة منزله: «بسأل عن الأسعار وبقول هاتوا ده ومتجيبوش ده»
روى الرئيس عبد الفتاح السيسي، موقفا طريفا عن سفرة رمضان، خلال كلمته في احتفالية تكريم المرأة المصرية.
وقال السيسي: "قولتلهم حطوا طبق واحد، وكفاية أننا نشوف بعض، أي حد بيعزمني بلاقيه ملالي السفرة عشان رمضان، كأنها موضة".
وتابع السيسي: "حد بقا من بتوع التواصل الاجتماعي يطلع يكتب السيسي بيقولنا متكلوش، لا خالص كلوا زي ما انتوا عايزين، والله والله أنا صادق معاكم، والله يعلم ما في نفسي".
وأكمل الرئيس: "بيقولوا شوفوا السفرة عنده عامله ازاي، أنا مش باكل من الجنة، وبسألهم في البيت عن الأسعار وهاتوا دي ومتجبوش دي".
وكرم الرئيس عبد الفتاح السيسي، عددا من النماذج المشرفات لسيدات مصر في مختلف المجالات والأمهات المثاليات.
وشاهد الرئيس عبد الفتاح السيسي، وقرينته السيدة انتصار السيسي، فقرة فنية من كورال أطفال دار الأوبرا المصرية بأغنية نص الدنيا ومصر أم الدنيا.
كما شاهد الرئيس عبد الفتاح السيسي، فيلما تسجيليا عن جائزة مصر للتميز الحكومي.
ووصل الرئيس عبدالفتاح السيسي وقرينته، إلى مركز المنارة لحضور احتفالية تكريم المرأة المصرية والأم المثالية.
وأعلنت وزيرة التضامن الاجتماعي نيفين القباج، أسماء الأمهات المثاليات لعام 2022، وحصلت وجيدة الديداموني إبراهيم من محافظة الشرقية على المركز الأول، بينما حصلت سميرة أحمد من سوهاج على المركز الثاني، وجاءت محافظة قنا في المركز الثالث حصلت عليه إقبال فايز لبيب.
