حسام موافي يحذر الأطباء من تشخيص الإصابة بالقولون «فيديو»
حذر الدكتور حسام موافي، أستاذ طب الحالات الحرجة بكلية طب قصر العيني، الأطباء من تشخيص المريض بأنه مصاب بقولون عصبي دون التأكد.
وأضاف موافي، خلال تصريحات تليفزيوينة عبر فضائية "إم بي سي مصر": "القولون العصبي كلمة كارثية، وأغلب مرضى سرطان القولون يكون تم تشخيصهم مرضى قولون عصبي فقط، والطبيب علشان يقول إن القولون ده عصبي، لازم يكون متأكد 100% من أن القولون مفيهوش حاجة، سواء جيوب، أو قُرح، أو أورام أو التهابات".
ووجّه أستاذ طب الحالات الحرجة بكلية طب قصر العيني، رسالة للأطباء قال فيها: "بلاش نكتر من تشخيص القولون العصبي غير لما تتأكد الأول، أنت كده بتضيع المريض، لما تلاقي كل التحاليل سلبية بما فيهم المنظار للمريض، يبقى كده الشخص مريض بالقولون العصبي وليس سرطان القولون".
وتابع: "لو كل الفحوصات سلبية، يبقى المريض مصاب بالقولون العصبي، وإحنا بنقول أنت لا هتخف ولا هتموت وهتفضل كده عمرك كله".
