عمرو يوسف عن ويجز: «بحب مزيكته ومش تريند على الفاضي»- فيديو

علق الفنان عمرو يوسف، على إطلالة مغني الراب المثيرة للجدل ويجز، قائلًا: "أنا ملبسهاش بس هو حر يلبس اللي هو عايزه".

وتابع عمرو يوسف، خلال استضافته بحلقة اليوم، من برنامج «حبر سري»، المذاع على فضائية «القاهرة والناس»: "مستحيل ألبس زيه ومعجبتنيش بس بحب مزيكته جدًا ولما مثل هو ممثل شاطر جدًا وهسيب كل ده وأمسك في الشورت بتاعه".

وأبدى يوسف إعجابه بموسيقى مغني الراب ويجز، قائلًا: "مزيكته حلوة وبحب أسمعها رغم إني مش مدمن راب ومزيكته مختلفة عن باقي الناس وهو مختلف تمامًا".

واستطرد يوسف: "أنا مبحبش التريندات لكن ويجز مش تريند على الفاضي هو راجل موهوب وعمل تريند لكن المصيبة اللي بيعملوا تريند وهما ناس فاضية".

برنامج حبر سري، يعرض يوميًا في رمضان 2022 على قناة القاهرة والناس، واستضافت خلاله حتى الآن كلا من الفنانة شيرين رضا، الفنان أحمد السعدني، الفنان أمير كرارة وإسلام إبراهيم ومحمود الليثي، وكهربا.