قابلت جمال وعلاء ومبارك في السجن.. «هاني مهنا» يروي كواليس حبسه 6 أشهر «فيديو»

كشف الموسيقار هاني مهنا، عن كواليس لأول مرة عن سبب حبسه 6 أشهر ونصيحة حبيب العادلي له داخل السجن.

وقال مهنا خلال حواره مع الإعلامية راغدة شلهوب ببرنامج "سابع سما"، عبر فضائية "النهار": "أنا اتظلمت في موضوع السجن ده، وعمري ما أخدت قرض من البنك أصلا، ومش بحب أتعامل البنوك خالص".

وتابع مهنا: "أنا أجرت استوديو زي أي حد للبنك، والبنك اتباع قبل ما يشتغل وبعد 6 سنين جايين يقولوا عايزين فلوسنا، قولت إزاي؟.. إنت لو عندك عربية أجرتها وركنتها قدام بيتك ومش استخدمتها مش هتدفع أجرتها؟.

وواصل مهنا: "أنا كنت مأجرلهم بـ32 ألف، وناس عندي في نفس الشارع أجروا بـ 60 ألف جنيه للمتر".

وأكمل مهنا: "الموضوع كبر بقى واتحكم عليا بالسجن 6 أشهر، وأول ليلة في السجن كانت صعبة، ومنمتش لحد الصبح، كنت فاكر إني بحلم، وقابلت جمال وعلاء مبارك في السجن".