هاني مهنا يكشف رسالة حبيب العادلي له داخل السجن «فيديو»

روى الموسيقار هاني مهنا كواليس كواليس حبسه 6 أشهر بسبب قضية البنك قائلا: "أنا اتظلمت في موضوع السجن ده، وعمري ما أخدت قرض من البنك أصلا، ومش بحب أتعامل مع البنوك خالص، وكل الحكاية أني أجرت ستوديو زي أي حد للبنك، والبنك اتباع قبل ما يشتغل".

وتابع مهنا خلال حواره مع الإعلامية راغدة شلهوب ببرنامج "سابع سما"، عبر فضائية "النهار": "بعد 6 سنين جايين يقولوا عايزين فلوسنا، قولت ازاي؟.. أنت لو عندك عربية أجرتها وركنتها قدام بيتك ومش استخدمتها مش هتدفع أجرتها"؟.

وأكمل مهنا: "أنا كنت مأجرلهم بـ32 ألف، وناس عندي في نفس الشارع أجروا بـ 60 ألف جنيه للمتر، والموضوع كبر بقى واتحكم عليا بالسجن 6 أشهر".

وواصل الموسيقار: "أول ليلة في السجن كانت صعبة، ومنمتش لحد الصبح، كنت فاكر إني بحلم، وخرجت من الزنزانة الساعة 7 الصبح رايح مكان كده بنقعد فيه، وقابلت جمال وعلاء مبارك، وحبيب العادلي، وقالي وقتها: "التجربة دي هتفيدك جدًا، وهتعرفك مين بيحبك ومين وقف جنبك ومين لأ".