عندي رؤية وبفهم.. جمال العدل: مش بشترط على فنانة عشان تشتغل معايا «فيديو»
أكد المنتج جمال العدل، أنه لا يضع شروط للتعاون مع أي فنان، قائلًا: "مش بتشرط على فنانة عشان تشتغل معايا، ومفيش حد بيتشرط على أي حد، الشغلانة دي مفيهاش شروط".
وأضاف العدل، خلال حواره لبرنامج "العرافة"، المذاع على قناة "المحور"، مع الإعلامية بسمة وهبة، قائلًا: "مسلسل يوتيرن ليس أول مسلسل ينتجه للفنانة ريهام حجاج، وهي ممثلة شاطرة جدًا وظُلمت في التجارب السابقة، ورهاني عليها كان السنة دي، ومبسوط منها".
وتابع العدل: "ريهام ممثلة شاطرة وهايلة ومذاكرة دورها وملتزمة، ورهاني طلع مظبوط والحمد لله إنها كسرت الدنيا السنة دي، ولو مش شاطرة مكنتش أنتجت لها".
وأكمل:" أنا عندي رؤية وفاهم شوية، وهم كمان نجمات كبار، فبنشوف المفروض هنعمل مشروع مع بعض ناحج إزاي، وبالتالي توالي النجاحات بيخلينا نثق في بعض أكتر وبقى في مشوار مش شروط".
