اعتراف ناري من أحمد فلوكس على اتهامه بمقاطعة والده «فيديو»

رد الفنان أحمد فلوكس، على خبر مقاطعته لوالده الفنان فاروق فلوكس، قائلًا: "أبويا جزمته فوق راسي لغاية ما أموت ولو في حاجة في شخصيتي بتعجب حد أبويا السبب فيها".

وأضاف فلوكس، خلال حلوله ضيفًا ببرنامج "حبر سري" المذاع عبر فضائية "القاهرة والناس"، مع الإعلامية أسما إبراهيم، قائلًا: "مقاطعتي لوالدي كلام مش مضبوط، ولكن تصريحات اتلعب عليها، أنا عندي كام مشكلة خاصة مع والدي لكن مفيش قطيعة".

وتابع فلوكس: "أنا والدي عنده 86 عامًا ومش بوصله أي مشاكل خوفًا على صحته واللي قال إنه مقاطعه ليه يوم وربنا موجود".

وأكمل فلوكس: "أنا أهم حاجة عندي أبويا مش أي حد تاني مينفعش أقاطعه، الموضوع كان في حاجة معينة مش عايز أبويا يعرفها اختفيت عن أبويا شوية قالوا إني مقاطعه".

وحل النجم أحمد فلوكس ضيف الاعلامية أسما ابراهيم في حلقة خاصة من برنامج "حبر سري" كشف فيها حقيقة الخلاف بينه وبين محمد رمضان وباسم سمرا وسر الهجوم عليه بعد فيلم الممر ورد على شائعات تعدد زيجاته وحقيقة مقاطعته لوالده وغيرها من الاسرار.