زجاجتك ملهاش لزمة وكسبنا من غيرها.. «الحضري» يرد
رد عصام الحضري مدرب حراس المرمى بمنتخب مصر الأول لكرة القدم ، على تصريحات الكابتن أحمد شوبير والتي قال خلالها :" الحضري أفور في موضوع الزجاجة واحنا لما كسبنا كسبنا من غيرها".
وأضاف الحضري، خلال حلقة اليوم من برنامج "العرافة"، المذاع علي قناة المحور، مع الإعلامية بسمة وهبة ، قائلا: " أنا مبزعلش من التصريحات اللي زي كدا و مش باخدها بعصبية لأني مش أنا الوحيد اللي عملت كدا بالزجاجة في الملعب".
وتابع:" كل دول العالم بيعملوا كدا والعلم بيقول كدا، لتقاطعه الإعلامية بسمة وهبة بالقول :" أنت زعلت من كلام شوبير و نزلت أغنية متغاط يالا متغاظ وحطيت صورته ، ليرد الحضري ، :" لا دا حد صديق نزل الأغنية و عملي منشن، مردفا:" وبعدين احنا مكسبناش بالزجاجة و مخسرناش بها برضو".
