محمود عبدالمغني: «قعدت فترة في البيت.. وبعد فيلم صايع بحر حصلي مشكلة»
تحدث الفنان محمود عبدالمغني على مشكلة الوسط الفني قائلا إنه من الممكن حدوث خلاف لمدة خمس دقائق ويزال في خمس سنوات، ومن الممكن أن يكون الانطباع هذا شئ خاص وسريع لكنه يثبت في أذهان الكثيرين في الوسط لسنوات للأسف.
وأكمل عبدالمغني خلال حواره في برنامج "كلام الناس" على قناة "إم بي سي مصر": "أنا قعدت فترة كبيرة في البيت بعد فيلم مقلب حرامية، لأن كان فيه أشياء مغلوطة تمامًا، وسوء تفاهم مع المنظومة الفنية كلها، على الرغم من نجاح الفيلم".
وتابع عبدالمغني: "سوء التفاهم ده استمر أكتر من خمس سنين عشان يتشال، وأنا من الأشخاص العزاز النفس، وممكن تتفهم أو تتحسب إني تنك بس الحقيقة أنا مش كده خالص".
واختتم عبدالمغني: "بعد فيلم «صايع بحر» برضو حصلي مشكلة، لأنني مكنتش مقتنع بالدور اللي عملته، ودي مشكلتي، إني دايما بطمح للأفضل".
