دينا الشربيني: ساعات بيصعب عليا ناس اتعاقبت على التحرش.. فيديو
جددت الفنانة دينا الشربيني ، موقفها من التحرش ، مؤكدة أن الثقافة هي أول علاج لتحرش ، قائلة :" أنا لسه عند رأي و بأكد كلامي إن الثقافة الجنسية أول علاج التحرش ".
وأضافت الشربيني ، خلال حوارها لبرنامج" حبر سري" المذاع عبر فضائية " القاهرة والناس" مع الإعلامية أسما إبراهيم ، قائلة:" ليه ديما حاطين أشياء معينة كدا و بنقول ممنوع القرب منها ، إيه المشكلة لما الولد والبنت يعرفوا كل حاجة ويعرفوا برضو الصح والغلط".
وتابعت:" في بنات بتتجوز وهي مش عارفة حاجة عن الحياة الجديدة والأم مكسوفة تكلمها في حاجة ، معقبة :" أنا عايزة أتكلم بس خايفة كلامي يتفهم غلط".
وأكملت:" لازم يكون عندنا ثقافة جنسية وفي نفس الوقت عقاب رادع للمتحرش ، معقبة:" ساعات بيصعب عليا ناس اتعاقبت على التحرش بس كان لازم يتعاقبوا لكن اللي بيخليهم يصعبوا عليا أنهم جاهلين للثقافة الجنسية".
