الفنون السبت، 23 أبريل 2022 11:15 صـ بتوقيت القاهرة 2022-04-23 11:15:02

سالي عبد السلام تكشف معاناتها مع مرض «الثعلبة»

أماني أبو عيسى

أعلنت المذيعة سالي عبد السلام عن أنها تعاني منذ فترة مع مرض ثعلبة الرأس، وكشفت أنها أصيبت به منذ عام 2017، وطلبت من جمهورها الدعاء خاصة وأنها تعاني بسبب العلاج بحقن الكورتيزون التي تحقن بها في رأسها.

سالي عبد السلام تصاب بمرض الثعلبة

وكشفت سالي عبد السلام عن تفاصيل مرضها من خلال حسابها الشخصي على موقع التواصل الاجتماعي «فيس بوك»، حيث كتبت معلقة: «أنا في الابتلاء ده من 2017.. آخر مرة جتلي الثعلبة في شعري ومشيت وقالولي مش هتيجي تاني كان من سنتين».

وتابعت سالي عبد السلام،: «نفس الشهر ده بالضبط أبريل ٢٠٢٠ عند الناس بتيجي بالواحدة.. أنا حتى في دي ربنا بيختبرني بزيادة.. سبحانك يا رب.. يبتليك الله ويختبرك في أكتر حاجة بتحبها أو كانت مميزة زمان والناس فاكرة إنها زي ما هي والناس كلها بتمدحها وكانت حلوة زمان ويختبرك».

واستكملت منشورها: «الرضا من عندك يا رب عشان بدأ يروح مني سامحني واعف عني ومعنديش لا قوة ولا طاقة ولا قادرة أصبر وأبدأ من جديد العذاب ده».

وأضافت: «كان لازم أروح الفطار مع الولاد في الدار ملهمش ذنب وأنا وعدتهم قبل ما أسمع الخبر وأبقى مضطرة أنبسط وأجبر بخواطر وخاطري مكسور رجعت أكتر حاجة بتوجع في الدنيا حقن الكورتيزون في الراس! 7 حقن في عضم الرأس ١٠ شكات (٧٠ شكة) والدموع بتقع منى غصب عنى والله مع إنى عمري ما بعرف أعيط قدام حد».

وطلب سالي عبد السلام من جمهورها الدعاء لها بالشفاء، حيث قالت: «ادعوا لي يعفو عنى ومأخدش كورتيزون كورسات كاملة تاني واتبهدل تاني وأبدأ من أول وجديد تاني والوجع تاني.. اللهم إنك عفو كريم تحب العفو فاعف عني اللهم أجرني في مصيبتي وأخلف لي خيراً منها».