تامر عبدالمنعم يكشف سر دفاعه عن ريهام حجاج.. ويهاجم حمو بيكا

علق الفنان تامر عبدالمنعم، تصريحاته عن حمو بيكا، قائلا: محتاج حد يقرأ له، ده من ضمن مشاكله جوه النقابة إنه مبيعرفش يفك الخط، ده مش تنمر، حد يقرأ له دي حاجة عادية، وهو قال إيه عليا قالي نضف قلبك، هو إنت تيجي عند قفص الأسد وتخش وتزعل إنه عضك.

وكشف الفنان تامر عبدالمنعم، في حلقة جديدة من برنامج "ضرب نار"، والمُذاع على قناة القاهرة والناس، مساء الأربعاء سبب دفاعه عن الفنانة ريهام حجاج، قائلًا: هي ريهام من الإخوان ولا إيه؟ هو في هجوم من الفنانين، ومن الشارع، لزومها إيه إن إحنا نتنمر على حد، ريهام اشتغلت زمان وعارفينها من زمان، وربنا كرمها وعملت بطولة، زي ما إنت مش عارف تشوفها في ناس تانية عايزه تشوفها التنمر مرفوض، مفيش حد اتنمر عليه قدي، لو إنت شايف إن ريهام مش كويسة متشوفهاش، بس الغلط إننا نشتم فيها ونعمل عليها هاشتاجات".