«لو ابنك قالك مش هكمل تعليم هتعمل إي؟».. شاهد: رد جمال سليمان

قال الفنان السوري جمال سليمان، إنه كباقي الآباء يرغب أن يرى ابنه في أحسن حال، ويفعل الأشياء التي يحبها.

وأضاف سليمان، خلال استضافته ببرنامج "ليالي تين": "نفسي ابني يطلع الحاجة اللي بيحبها، لكن هحب أشوفه دكتور، كان آخر فترة بيقولي عايز يبقى محامي، هما في العمر ده بيتغيروا كتير".

وتابع: "أنا بخاف أنه يشتغل في الدراما عشان أبوه ممثل، أو المحاماة عشان جده محامي، لأ أنا نفسي يختار الحاجة اللي بيحبها".

وواصل: "أهم شيء أنه نشوف أولادنا يعملوا الحاجة اللي مقتنعين فيها، وسعداء بها".

وعن سؤال "لو ابنك قالك زهقت من التعليم ومش هكمل"، أجاب جمال سليمان: "فكرة أن الأولاد ميدخلوش جامعة مقلقة، لأن نسبة قليلة خدوا القرار ده ونجحوا في الحياة وعاشوا حياة مستقرة، فأنا أحب طبعا أن ابني يدخل الجامعة وبحوشله الفلوس".