سيدة: «طليقي كان بيمشيني في الرزيلة هل ربنا هيغفرلي».. ورد صادم من الشيخ المالكي «فيديو»

رد الشيخ أحمد المالكي، أحد علماء الأزهر الشريف، على سؤال صادم من متصلة تقول: "طليقي كان بيمشيني في الرزيلة علشان يجيب فلوس وماكانش ليا حد، هل ربنا هيغفرلي؟".

وتابعت المتصلة: "طليقي كان بيخليني أقعد مع صحابه عشان أجيب فلوس واطلع بمصلحة منهم، وأنا كان عندي 7 عيال".

ورد الشيخ عليها بقسوة، قائلًا: "حضرتك كان عقلك فين لما كان يقولك إعملي كدا؟، ده شيء ملوش علاقة بالجهل أو العلم، هل تأكلي عيالك بالحرام عشان ملكيش حد؟، مهما هيضربوكي في النهاية وهيقسوا عليكي".

وتابع الشيخ خلال استضافته ببرنامج "بيت دعاء"، المذاع على قناة تين: "لكن طالما توبتي إلى الله وندمتي على ما فعلتي، فالله غفور رحيم، ومحدش في الدنيا يقدر يقول ربنا مش هيغفر ليكي، أو أنتي إنسانة في جهنم".