هبة الأباصيري تكشف تفاصيل تعرض منزلها لحريق «صور»

أعلنت الإعلامية هبة الأباصيري، من خلال صفحتها الرسمية عبر موقع التواصل الاجتماعي «فيس بوك» عن تعرض منزلها لحريق صباح اليوم وذلك بسبب خزين الثوم.

وكتبت: «الحمد لله اللطيف الستار .. اتفاجئنا بمنظر حريق ونار طايرة ماسكة في شباك المطبخ والحائط من بره و مواسير المياه لا في أثر لعقب سيجارة اترمى ولا في أي حد أصلا دخل المكان ده، ولا في أي منفذ حتى لجيران يرموا في المكان ده أي حاجة ولا الجو حر نار للدرجة دي».

وتابعت: «والنار طالعة من جوة صندوق كرتون فيه خزين التوم و دي أول مرة في حياتي أصلاً أخزن توم الله يسامح الست اللي بتساعدني هي اللي اقنعتني أخزن توم نفس الست الطيبة اللي قالتلي وأنا عندي كورونا أحطلك نعناع عالشاي ليه ما خسارة طالما انتي كده كده مش هتستطعمي أنا لسه فاكراهالك بس مسامحاكى اللهم لك الحمد يا لطيف يا ستار راضية جدا جدا جدا يا ربي».

وعلى صعيد آخر تشارك هبة الأباصيري، في تقديم برنامج «الستات ميعرفوش يكدبوا» برفقة المذيعة إيمان عز الدين، والإعلامية منى عبد الغني، والذي يُعرض على شاشة قنوات «Cbc».