إعلامية شهيرة تكشف موقف مفاجئ لسمير صبري قبل وفاته بساعات «فيديو»

كشفت الإعلامية إيمان أبو طالب، عن تفاصيل الساعات الأخيرة في حياة الفنان سمير صبري.

وقالت إيمان أبو طالب، في مداخلة هاتفية لبرنامج "آخر النهار": "كنا في فندق ماريوت بالزمالك، كلمني قالي تعالي نلعب كوتشينه، روحتله كانت الساعة 9.30، وكلمت مجموعة من الأصدقاء".

وأضافت: "اتعشينا، كانت حالته كويسه أوي، ومشرق ومتفائل، وقالي أنا سجلت النهارده حلقة مع حسن يوسف، كأنه ختام الكلام".

وتابعت: "حصل موقف غريب أوي، لقيتني بقوله إنت إزاي هترجع بيتك في المهندسين بعد ما قعدت هنا وسط الناس واللمة، قالي مش هعرف أرجع تاني".

وتابعت: "لأول مرة في العشاء، طلبنا كلنا نفس الطبق، وحكالي عن ذكريات ليه، وزمايله زي سماح أنور، أحمد عبد العزيز، واتكلم عن الدولة لما وقفت معاه".

وواصلت: "أنا سبته الساعة 2 إلا تلت، كان كويس جدًا، كنا متفقين نتقابل النهارده عشان يشوف الحلقة، لكن الصبح الساعة 8 صحي وبعدين المساعد بتاعه حاول يتكلم معاه لقاه توفى حوالي الساعة 10.30".