أحمد موسى للنواب: قبل ما تتكلم عن أزمة شوف هتجيب فلوس منين «فيديو»
وجه الإعلامي أحمد موسى، رسالة لنواب البرلمان، قال فيها: "أرجو من النواب المحترمين اللي بيعبروا عن الشعب المصري أن يعرفوا ظروف بلدهم قبل الحديث في أي مشكلة، معقبًا: "اتكلم زي ما أنت عايز لكن إعرف ظروف بلدك الأول".
وأضاف موسى، خلال حلقة اليوم من برنامجه "على مسؤوليتي" المذاع عبر فضائية "صدى البلد"، قائلًا: "لو إنت تحت قبة البرلمان وبتعبر عن 100 مليون مواطن ومش عارف ظروف بلدك يبقى عندنا أزمة كبيرة جدًا".
وتابع: "الموضوع مش مزايدات ولا كسب شعبية على حساب وطن، قبل ما تتكلم عن أزمة شوف هتجيب فلوس منين، إنت معندش فلوس، معقبًا: "بص للتغيرات اللي حاصلة في البلد وأنت هتعرف الدولة بتصرف الفلوس في إيه و بتصرف قد إيه".
وأكمل: "السادة النواب كل واحد يقول رأيه براحته وكيفما يشاء لكن خد بالك من البلد قوي، مردفًا: "كلنا في مركب واحدة محدش يرمي المسؤولية كاملة على فرد واحد أو جهة واحدة".
وأردف: "إحنا في وقت صعب، لازم نوقف فيه مع بعض، إحنا أمام تحديات مش شعارات، الرئيس مبياخدش القروض يحطها في جيبه، مفيش مرتبات بتتصرف من القروض دي بتروح للمشاريع".
