سيدة: «الجن بيسرق فلوس والدتي أعمل إيه؟».. رد صادم من أزهري - فيديو
رضوى ناصر مصر 2030ورد سؤال إلى برنامج "اسأل مع دعاء"، المذاع على قناة النهار، تقول فيه سيدة: "الجن سرق فلوس أمي بعد ما رمينا مياه ساخنة في الحمام، إيه الحل".
وتابعت السيدة: "والدتي دلقت مياه سخنة في الحمام، من بعدها كل ما تقبض فلوس المعاش تختفي، أنا مش عارفه هل الجن بيسرقها ولا لأ".
وأجاب الشيخ أحمد الصباغ، أحد علماء الأزهر الشريف: "الجن لا ينقل شيئًا من مكان إلى مكان آخر، لا يحرك أبدًا، ده كلام ضحك على الناس وأنا لا أعتقد فيه أبدًا".
وأضاف الشيخ: "ده حتى لما المجاري يحصل فيها حاجة يقولك انزل عليها بمياه سخنة، لكن اللي بيتقال ده خزعبلات".
وتابع: "الجن لو كان بياخد الفلوس، هيصرفها في إيه، ده لو كان بيجيب فلوس كنا هنبعته يجيب من خزنة البنك".
وواصل العالم الأزهري: "لو الجن بيسرق فلوس كانت الناس قامت على بعضها، الله أعطاهم قدرة معينة بضوابط معينة".
واختتم حديثه: "الجن لا يعلمون الغيب، ربنا لما اتكلم عن سيدنا سليمان في سورة سبأ، قال "فلما قضينا عليه الموت مادلهم على موته إلا دابة الأرض".