شريف سلامة عن دوره في فاتن أمل حربي: «مراتي كانت بتبقى خايفه أتحول»
كشف الفنان شريف سلامة، عن رد فعل زوجته بعدما رأت شخصيته التي جسدها في مسلسل فاتن أمل حربي، بمشاركة نيللي كريم.
وقال سلامة، خلال استضافته ببرنامج "كلمة أخيرة"، المذاع على قناة أون: "مراتي داليا مكنتش بحب أتفرج معاها عشان كانت بتبقى مدايقة مني، وخايفه إني أتحول".
وتابع شريف: "ساعات بيبقى في شوية حاجات، لأني بعيش مع أي شخصية بعملها، فهي والاولاد ببشوفوا معاملة غريبة مني".
وواصل شريف: "سيف الدندراوي كان بيروح معايا البيت، لكن هو بعيد كل البعد عن شخصيتي، أنا بحب أعمل الشخصيات البعيدة عني عشان بيفضل ملازمني جوه حياتي وبفضل أفكر فيه ليل نهار".
وأكمل شريف: "ذوقي هو ذوقه وتركيبة الحوار نفسها وبقعد وقت طويل عشان أخرج منها".
