سالي عبد السلام.. واقعة تحرش تثير الجدل على السوشيال ميديا والجمهور يعلن دعمه لها

تصدرت الإعلامية سالي عبد السلام، تريند جوجل بعدما أعلنت من خلال حسابها الرسمي عبر موقع الصور الشهير «إنستجرام» أنها تعرضت للتحرش ونشرت فيديو الواقعة.

سالي عبد السلام تتعرض للتحرش

وعلقت عليه: «ده واحد وأنا قاعدة من شوية فى العربية ومنزلتش حتى بشرب كوفى انا و ريم صاحبتى فى البنزينة اللى جمب بيتى جه يستظرف معاكي شاحن رديت بكل أدب لا، وداخل بدماغه يشوف بعدها انتي متضايقة ليه قولتله حاجة متخصكش واتفضل امشي».

وتابعت سالي عبد السلام: «لأ متكلمنيش كده، قولتله اتفضل من هنا، مفيش، ولسه هيقل أدبه ويستظرف تاني صورته فيديو، لما الناس اتلمت بيقولهم كنت بطلب شاحن! الرجالة بقيت بتقوله هو معلش».

سالي عبد السلام تكشف تفاصيل الواقعة

واختتمت حديثها: «السؤال هل هو العادي إن أي حد ممكن يكلم بنات ويستظرف ويدخل جوا العربية وعايزنا نسكت؟! ليه!؟ إحنا حصلنا إيه؟! السؤال بقى هو مين ده؟ وهل ده عادي؟ في بنات هتقبل ده عادي! مجتمعنا شايف إنه عادي؟ ولما أقوله امشى ميمشيش»، وعلى الفور لاقى المنشور تفاعلًا كبيرًا بين متابعيها مؤكدين دعمهم لها.

وعلى صعيد آخر، أعلنت سالي عبد السلام، مؤخرًا عن معاناتها منذ فترة مع مرض ثعلبة الرأس، وكشفت أنها أصيبت به منذ عام 2017، وطلبت من جمهورها الدعاء خاصة وأنها تعاني بسبب العلاج بحقن الكورتيزون التي تحقن بها في رأسها.

سالي عبد السلام تصاب بمرض الثعلبة

وكشفت سالي عبد السلام عن تفاصيل مرضها من خلال صفحتها الرسمية عبر موقع التواصل الاجتماعي «فيس بوك» وكتبت معلقة: «أنا في الابتلاء ده من 2017.. آخر مرة جتلي الثعلبة في شعري ومشيت وقالولي مش هتيجي تاني كان من سنتين».

وتابعت سالي عبد السلام: «نفس الشهر ده بالضبط أبريل 2020 عند الناس بتيجي بالواحدة.. أنا حتى في دي ربنا بيختبرني بزيادة.. سبحانك يا رب.. يبتليك الله ويختبرك في أكتر حاجة بتحبها أو كانت مميزة زمان والناس فاكرة إنها زي ما هي والناس كلها بتمدحها وكانت حلوة زمان ويختبرك».

وطالب سالي عبد السلام من جمهورها الدعاء لها بالشفاء، حيث قالت: «ادعوا لي يعفو عنى وماخدش كورتيزون كورسات كاملة تاني واتبهدل تاني وأبدأ من أول وجديد تاني والوجع تاني.. اللهم إنك عفو كريم تحب العفو فاعف عني اللهم أجرني في مصيبتي واخلف لي خيراً منها».