القبض على مجرمين التليجرام.. 1500 شاب تكفيري على جروب مصري (القصة كاملة)

احتل هاشتاج «القبض على مجرمين التليجرام»، قائمة الأكثر تدوينًا على موقع التواصل الاجتماعي «تويتر».

وفي تسريب لمحادثات صوتية بين شباب مجموعة «تليجرام» ظهر عدد من الشباب المصري يتحدثون، ويروجون للفكر التكفيري المتطرف، واستباحة الدماء والترويج للقتل وأعمال العنف، وهو ما دفع راود موقع التدوين العالمي «تويتر» إلى المطالبة بسرعة القبض على هؤلاء الشباب من خلال تدشين هاشتاج «القبض على مجرمين التليجرام»؛ بعد أن استطاعت مجموعة هكر اختراق مجموعتهم السرية، والحصول على بياناتهم الشخصية، والمقاطع الصوتية التي يروجون فيها للفكر المتطرف، وأعمال العنف، وتطبيق الحدود.

وفي مقطع صوتي لأحد الشباب اسمه المستعار «عمار بن زايد» قال: «لو الموضوع كبر وحصل حاجة الموضوع هيكون فيه أذية لينا، والموضوع لو وسع أي حد هيتجاب مننا، فأنا مش بتكلم عشان حد يتكلم، أو ميتكلمش، الدولة مش بتهتم بالكلام الفاضي ده، الدولة بتهتم باللي يتكلم في السياسة وكده».

وأكمل: «اللي بيقعد يشتم الإسلام ده محارب ودمه مستحل مفيش كلام، ولو عندك القدرة على حبسهم فتقيم الحدود وتاخد منهم الجزية، ولا حبس ولا غيره، أي كلام بنقوله في السكة دي بنقوله عشان نضمن أماننا، مفيس ولي شرعي يطبق الحدود».

وقال أحد راود موقع التدوين العالمي تويتر، عبر هاشتاج «القبض على مجرمين التليجرام»: «الجروب الإرهابي بتاع تليجرام اتهكر الحمد لله وكل العيال دي بياناتها اتجابت وطلعت تسريبات بشعة ليهم والموضوع حالياً لكل مكان وصور ومعلومات كليال دي في كل حتة وبإذن الله هنسمع خبر كويس في أقرب وقت وحق شاب وبنت أكيد هيرجع».

وقال آخر: «من فضلكم ممكن تقرأوا، كلام خطير جدًا وتسمعوا مقاطع الفيديو، لأنه كلام كارثي وخطير من فترة اتجمع مجموعة شباب متطرفين، علي جروب شات علي تليجرام بعنوان "افضح ملحدي و شو..اذ مصر" وهدفهم نشر الفكر المتطرف والإرهابي».

وقال آخر: «النهارده الجروب بتاعهم واللي كان واصل فوق ١٥٠٠ عضو تعرض للاختراق من مجموعة اتسمت «A N U B I S » وتم نشر كتير من تفاصيلهم وعناوينهم وأساميهم»، فيما طالب الآلاف بسرعة القبض عليهم حتى لا يتحول الفكر المتطرف الخاص بهم إلى أعمال إرهابية مسلحة.