أديب: حمدين مخرجش عشان اللي في دماغكم إحنا مش قاعدين على قنبلة «فيديو»

علق الإعلامي عمرو أديب، على ظهور السياسي حمدين صباحي، إعلاميًا في أحد البرامج التليفزيونية مع نقيب الصحفيين الكاتب الصحفي ضياء رشوان، قائلًا: "ظهور حمدين أمس يعد الظهور الأول له منذ 2016".

وأضاف أديب، خلال حلقة اليوم من برنامجه "الحكاية" المذاع عبر فضائية "إم بي سي مصر"، قائلًا: "أول حديث كان لحمدين أمس تحدث خلاله عن الإصلاح السياسي واتكلم عن سجناء الرأي".

وتابع: "حمدين لا يمثل كل المعارضة ولكنه جزء منها، معقبًا: "حمدين صباحي طلع إمبارح ومحصلش أي حاجة النهاردة، الناس راحت الشغل والطلاب راحوا المدارس، مردفًا: "حمدين مخرجش عشان اللي في دماغكم".

وأكمل: "لازم نتخطى فكرة أننا بنعمل الحاجة عشان ميحصلش انفجار، معقبًا: "إحنا كبرنا على الحاجات دي ومش قاعدين تحت تهديد، ماينفعش نقول بنعمل ده عشان مايحصلش انفجار، الدولة مش قاعدة على قنبلة".

وأردف: "الآراء ليست خطرًا، والاختلاف طبيعيًا، واللي قاله حمدين وطالب به خلال ظهوره أمس، كلنا طالبنا به قبل كدا، معقبًا: "الناس من 2011 وهى بتردد جملة بيعملوا كدا عشان ميحصلش انفجار".

وأضاف: "لازم تفكيرنا يتغير، مينفعش تجي تقولي أنا عندي مشكلة لو محلتهاش هبعت للإخوان، مستكملًا: "حمدين تختلف أو تتقف معاه هو سياسي كبير بالبلد، إحنا مش بنطبق فكرة يا الدفع يا الحبس".