مي عمر تكشف أكثر مشهد مرعب في مسلسل رانيا وسكينة

روت الفنانة مي عمر، مجموعة من التفاصيل المرعبة التي عايشتها في مسلسل رانيا وسكينة، برفقة الفنانة روبي.

وقالت مي عمر، خلال استضافتها ببرنامج "الحكاية"، المذاع على قناة إم بي سي مصر: "كنا بنصور في المقابر، وفي مشهد المفروض أن أنا واقفه وفي عِرسة بتطلع، لقيت أستاذة شيرين بتقولهم حضرتوا العِرس".

وتابعت: "قولت أكيد مش هتطلع معايا في نفس اللقطة، لسه بنعمل بروفة، مدير التصوير قالي امشي كده، كنت ماشيه على شمالي وشوفت العِرسة عن قرب، أنا نطيت من مكاني، وقعدت أصرخ وأعيط كتير".

وأكملت مي عمر: "كانوا جايبين كيس فيه 10 عِرس لأن اللي بتجري مش بنلاقيها تاني بعدها".