بعد إهانة المصريين لمحمد صلاح.. عمرو أديب: «إنتوا ملكمش عزيز»
علق الإعلامي عمرو أديب على الهتافات والشغب الذي فعله بعض المصريين ضد محمد صلاح بعد مباراة ريال مدريد وليفربول أمس السبت.
وقال أديب، خلال برنامجه "الحكاية"، المذاع على قناة إم بي سي مصر: "إنتوا ملكمش عزيز ولا كبير، محمد صلاح يا مصريين؟، طب يعملكوا إيه تاني".
وتابع أديب: "عيب.. هو محمد صلاح المفروض يحكم العالم عشان تدوله مقامه، إذا كان محمد صلاح مياخدش مقامه مين اللي ياخد".
وواصل: "محمد صلاح عامل إعلان أثر فيا أنا شخصيًا، إحنا وعيالنا عايشين جوه موبايل في بابل، الإعلان اللي عمله مع ماونتن فيو أثر فيا جدا، ورسالة جميلة".
وخسر فريق ليفربول الإنجليزي أمام نظيره ريال مدريد الإسباني، في نهائي دوري أبطال أوروبا، والتي أقيمت أمس بالعاصمة الفرنسية باريس.
