الفنان يوسف الأشقر يكشف لأول مرة كيف تم اختياره في مسلسل «توبة».. فيديو

كشف الفنان يوسف الأشقر، لأول مرة، كيف تم اختياره في مسلسل توبة، قائلًا: "محدش كان مصدق أني هعرف أمثل".

وقال الأشقر، خلال استضافته ببرنامج "صباح الورد"، المذاع على قناة تن: "المسلسل ده كان حالة خاصة، لأن الفنان أحمد سعد هو اللي رشحني للدور، ومحدش من المقربين ليا صدق أني هقدر أمثل".

وأضاف الأشقر: "كان بينا صداقة قبل كده، لما قولتله لقيته رحب جدًا واتبسط بالفكرة، وحب يشوفني وأنا بعمل كده، قالي إيه رأيك تعمل دور ضابط، قولتله دي صعبة أوي وأنا محلقتش دقني قبل كدا، لكن قعدنا ومثلنا وهو فادني جدًا، لأني كنت لسه ببدأ وكان في حاجات نقصاني، فكان بيساعد".

وفيما يتعلق بالسوشيال ميديا، واصل: "السوشيال ميديا بالنسبة لي مبتاخدش حيز كبير، والمشهد اللي مثلته في ملوك الجدعنة قولت محدش هياخد باله، مكنتش درست الموضوع لسه كانت تجربة، لكن اتفاجأت برد الفعل".