دينا تعبر عن استيائها من غادة إبراهيم: «هو إنتي بتشتغلي أصلا»
فتحت الفنانة دينا النارعلى الفنانة غادة إبراهيم، وعبرت عن استيائها الشديد من تصرفها في جنازة سمير صبري، قائلة: "غادة إبراهيم سألتني هتروحي إسكندرية؟ قولتلها لا مش هينفع، قالتلي ولا أنا كمان مش رايحة، زعقت ليه بقا طالما هي من الأول مش طالعة".
وأضافت دينا، خلال التصريحات الصحفية: "في ناس بتحب تعمل تريند، بس تريند على حساب ميت! وده سمير صبري، يعني قيمة فنية"، متابعة: "حتى لو كان حصل إية، مكنتش هعمل اللي هما عملوا ده في حاجة اسمها احترام الميت، واللي زعق هو اللي غلطان".
وتابعت دينا: "فين العمل اللي اتوقفت عنه ده! هي شغالة أصلا! القرارا ده مش هيأثر عليها بأي حاجة"، لافتة: "هي كده كده مش بتشتغل، لو كانوا غرموها فلوس كان هيبقي أحسن".
يشار إلى أن أعلنت نقابة المهن التمثيلية بقيادة النقيب الدكتور أشرف زكي، عدم اتخاذها حتى الآن أي قرارات جديدة ضد الفنانة غادة إبراهيم، وأن التحقيق ما زال مستمرًا معها، دون رفع أي قضايا ضدها من أجل مقاضاتها بسبب إثارة البلبلة في جنازه الفنان سمير صبري.
